Veðrið á Íslandi er óútreiknanlegt allt árið um kring svo fólk þarf að vera viðbúið snöggum breytingum, jafnvel oft á dag. Aðal málið er pakka nokkrum ólíkum lögum af fötum. Hér er listi af hlutum sem þú ættir að taka með þér, óháð því á hvaða tíma árs þú ert á ferðinni. Mikilvægt er að fylgjast vel með veðurspá og færð á vegum.
Við hverju er að búast?
Í júní er fyrst hægt að reikna með alvöru sumri, þótt það sé vissulega ekki öruggt en það er enn möguleiki á næturfrosti. Nætur eru bjartar og það er einstök upplifun að fylgjast með sólinni tylla sér á sjóndeildarhringinn áður en hún rís að nýju. Sumarsólstöður eru á bilinu 20. - 22. júní.
Hvað þarf að taka með?
- Flíspeysa/létt ullarpeysa
- Regn-/vindheldur jakki og buxur
- Sólgleraugu
- Vettlingar
- Trefill
- Húfa
- Hlý undirföt/ullarnærföt (sérstaklega ef ferðinni er heitið inn á hálendi eða í fjallgöngur)
- Vatnsheldir gönguskór (sérstaklega ef ferðinni er heitið inn á hálendi eða í fjallgöngur)
- Hlýir sokkar eða göngusokkar (sérstaklega ef ferðinni er heitið inn á hálendi eða í fjallgöngur)
- Sundföt
- Fljótþornandi handklæði (sérstaklega ef farið er í náttúrulaugar og uppsprettur – hægt er að leigja handklæði í flestum sundlaugum)
- Augnhlíf/svefngríma
- Sólarvörn
- Létt lög af fötum (síðermaboli, létta jakka o.þ.h.)
- Skordýrafælur/flugnanet
