Listahátíðir

BRAS er menningarhátíð þar sem börnum er gefið tækifæri til að skapa og upplifa listir í víðasta samhengi. Hún var haldin í fyrsta skipti í september 2018 og sem fyrr segir hefur verið ákveðið að endurtaka leikinn í haust.

Hátíðin List í ljósi er haldin á Seyðisfirði í febrúar ár hvert, þegar fyrstu geislar sólar ná til bæjarins eftir fjögurra mánaða fjarveru.

Listahátið ungs fólks á Austurlandi, eða LungA eins og hátíðin er kölluð í daglegu tali, var fyrst haldin árið 2000. Um er að ræða alþjóðlega listahátíð þar sem sköpun, listum og menningu er fagnað með námskeiðum, fyrirlestrum og öðrum viðburðum, og lýkur með uppskeruhelgi (sýningum og tónleikum).

Rúllandi snjóbolti er listasýning sem leggur áherslu á samtímalist og haldin er í Bræðslunni á Djúpavogi á sumrin. Sýningin er samstarfsverkefni Djúpavogshrepps og CEAC í Xiamen í Kína.