Upplýsingar um verð
Í dúóinu „Ingibjargir“ eru söngkonan Ingibjörg Fríða Helgadóttir og tónskáldið Ingibjörg Ýr Skarphéðinsdóttir.
Nýlega kom út fyrsta plata Ingibjarga sem ber heitið „Konan í speglinum“, sem finna má á helstu streymisveitum, en hún inniheldur fimmtán frumsamin sönglög við ljóð Ingibjargar Haraldsdóttur, skálds.
Bakgrunnur Ingibjarga spannar klassík, djass og þjóðlagatónlist með áherslu á frjálsan spuna og tónlist þeirra einkennist af þessari margslungnu blöndu ólíkra stíla. Tónlistinni hefur verið lýst sem töfrandi blöndu hins ævaforna og nútímalega; flæði á milli þess hefðbundna og tilraunakennda.
Húsið opnar kl. 20:00 og tónleikarnir hefjast 20:30. Aðgangseyrir er 4.000 kr. Öryrkjar og eldri borgarar: 3000 kr. Frítt inn fyrir 16 ára og yngri.